(ဤဆောင်းပါးဖြင့် ဆရာကြီးဦးတင်မိုးကို ကျေးဇူးစကားဆိုအပ်ပါသည်။ - ခင်မေဇော်) 

"အနီးမှုန် အဝေးမှုန်နှင့် အမြင်တိမ်းစောင်းမှုများ"

နီးကပ်လွန်းသောအရာကို မြင်ရန်၊ ဝေးလွန်းသောအရာကို မြင်ရန် လူတို့မျက်စေ့က မစွမ်းဆောင်နိုင်ပါ။ သာမန်အခြေအနေတွင် ရှိနေချိန်တွင်ပင် မြင်ရန်ခက်သောမျက်စေ့များသည် အားနည်းချက်ကြောင့်၊ ချွတ်ယွင်းချက်ကြောင့် အသက်အရွယ်ကြောင့် အနီးမှုန် အဝေးမှုန်တို့ ဖြစ်လာကြသည်။ ထိုအခါ မျက်မှန် မှန်ဘီလူးကို အသုံးပြုလာကြသည်။ မျက်စေ့တလုံးချင်း၏ အားနည်းချက်၊ ချွတ်ယွင်းချက်ပေါ်မူတည်ပြီး မည်သို့သော မှန်ဘီလူးပါဝါကို တပ်သင့်သည်ဆိုသည်ကို သတ်မှတ်ခြင်းဖြစ်သည်။ ထိုပါဝါကလည်း အချိန်ကိုလိုက်ပြီး အပြောင်းအလဲရှိနေသည်။ အခြေအနေကိုလိုက်၍ ပါဝါပြောင်းလဲရသည်။

ဤသည်ကား အမြင်အာရုံ၏ ချွတ်ယွင်းချက်ဖြစ်သည်။

သို့သော် လူတယောက်၏အမြင်ကို မိမိကြည့်နေသည့် အရာ၏ အနီးတွင် ရှိနေသော ပစ္စည်းများ၊ ပုံစံများ၊ အရောင်များက လွှမ်းမိုးမှုရှိနေသည်ကို အံ့သြစွာတွေ့ရသည်။ သိပ္ပံပြပွဲတခုတွင် လူအများရှေ့တွင်ပင် အပြာရောင် သုတ်ထားသည့် အပြားငယ်ကို ပြသထားသည်။ ယင်းအနီးတွင် ကပ်လျက် ထားရှိသော အခြားအရောင်ကို လဲလှယ်ခြင်းဖြင့် အဆိုပါအပြာရောင် သုတ်ထားသည့် အပြားငယ်၏ အရောင်လည်း မီးခိုးရောင်သို့ ပြောင်းလဲ သွားသည်။ မျက်လှည့်မဟုတ်ပါ။ အမှန်စင်စစ် အရောင်ပြောင်းလဲသွားခြင်း လည်း မမဟုတ်ဘဲ အမြင်ပြောင်းလဲသွားခြင်းသာ ဖြစ်သည်။ နဘေးမှာရှိသော အရောင်က မိမိ၏အမြင်အာရုံအပေါ် လှည့်ဖျား လွှမ်းမိုးသောကြောင့် ဖြစ်သည်။ ထိုပြပွဲကို သွားရောက်ကြည့်ရှုနေသူ ပရိသတ်များ တအံ့တသြရှိကြသည်။ မိမိအတွက်လည်း ယင်းအံ့သြစရာ အမြင်အာရုံ လှည့်ဖျားမှုမှ ဆက်လက်တွေးတောစရာများ ဖြစ်လာစေသည်။ မိမိတွေ့နေသော အရာများက အရှိအတိုင်း မဟုတ်ကြ ဆိုသည့် အတွေးပင်ဖြစ်၏။

ပြည်တော်ပြန်သည့် အမှိုက်များ

ခင်မေဇော် (၀ါရှင်တန်ဒီစီ)

လျှပ်စစ်ပစ္စည်း အစိတ်အပိုင်း အများအပြားကို တရုတ်နိုင်ငံမှာထုတ်ပါတယ်။ ကွန်ပြူတာ၊ ဆဲလ်ဖုန်း၊ တီဗီ၊ ရေခဲသေတ္တာ၊ လေအေးစက်၊ ကားတွေမှာ သုံးတဲ့အစိတ်အပိုင်းတွေပါ။ တကမ္ဘာလုံးကို လှည့်ပတ်ပြီး ပျက်ဆီးဟောင်းနွမ်း စွန့်ပစ်ခံရတဲ့အချိန်မှာတော့ သူတို့ဟာ မွေးရာအရပ်မှာ ပြန်ပြီးခေါင်းချကြတယ်လို့ ဆိုရမလို ဖြစ်နေပါတယ်။ ဘာကြောင့်လဲဆိုတော့ စွန့်ပစ်လျှပ်စစ်ပစ္စည်းဟောင်းတွေဟာ တရုတ်မှာ လာပုံနေလို့ပါပဲ။ 

ပညာပေးရန်လိုအပ်လာသည့် အိမ်တွင်းအကြမ်းဖက်မှုများ

ခင်မေဇော် (7Day News ဂျာနယ် Vol.12, No.16, June 26, 2013)

အမျိုးသမီးများအပေါ်အကြမ်းဖက်မှုဟုဆိုလိုက်လျှင် အများအားဖြင့် ပြင်ပမှ အကြမ်းဖက်မှုကိုသာ သတိပြုမိလေ့ရှိပြီး အိမ်တွင်းအကြမ်းဖက်မှုကို အများက လျှော့လျှော့ပေါ့ပေါ့တွေးကြ မြင်လေ့ရှိကြသည်။ အိမ်ထောင်ရေး မိသားစုအရေး အတွင်းရေးဟု ဆိုတတ်ကြသည်။ သို့သော် ခန္ဓာကိုယ်ကို အကြမ်းဖက်မှု ပါလာချိန်တွင်တော့ အိမ်တွင်းရေးသက်သက်ဟု မဆိုနိုင်တော့ပါ။ အမှန်စင်စစ် အိမ်တွင်း အကြမ်းဖက်မှု သည် လူမှုအဖွဲ့အစည်းတရပ်လုံးကို အတော်ပင် ခြိမ်းခြောက်နေသော အခြေအနေကို ရောက်နေသည်။ 

သမိုင်းတကွက်၏ အတွေးစများ (၁)

သမိုင်းလေ့လာသူများအတွက် အပြောင်းအလဲ မြန်ဆန်လှသော မြန်မာနိုင်ငံအရေးကို တင်ကြို ဟောကိန်းထုတ် ခန့်မှန်းရန် ခက်ခဲနေသည်။ ယခင်အမေရိကန်သံအမတ်ဟောင်း ပရက်စီလာ ကလပ်က မြန်မာနိုင်ငံ အပြောင်းအလဲသည် အာဏာရှင် ဗိုလ်ချုပ်မှူးကြီးသန်းရွှေ၏ အစီအစဉ် ဖြစ်သည်ဟု ၂၀၁၁ ခုနှစ် သတင်းထောက်များ အတွက် နိုင်ငံတကာအဖွဲ့၏ နှစ်ပတ်လည် ဆွေးနွေးပွဲတရပ်တွင် ပြောခဲ့သည်။

လျှို့ဝှက်ချက်များလှသည့် နိုင်ငံတွင် သိစေလိုသော သတင်း များသာ ထွက်လာသည်ဟု ဝေဖန်သူများ ရှိပါသည်။ ရံဖန်ရံခါလည်း မသိစေလိုသော သတင်း များကလည်း ထွက်လာလေ့ရှိပါသည်။

  မြန်မာအာဏာရှင်များ၏ ကစားကွက်ကို လျှော့တွက်သူ များရှိသည်ဟု အတိုက်အခံများဘက်က ဆိုသည်။ သို့သော် ပိုတွက်သူများလည်း ရှိသည်ဟု ဆိုသူလည်း ရှိပါသည်။

This is one of my stories of ethnic people in Burma (Myanmar) in 2006, who are facing constant attack by government troops in their own region. I got contact with back-pack medic group operating along the border helping the local people on the run and in hiding. 

I would like to thank David Eubank and Ko Myayk (Mr. Monkey, not his real name) for answering my call, telling what they witness, in the jungle and beyond. ---------------------------------- Khin May Zaw//

(This story is originally aired in Burmese language and published in English at Radio Free Asia in December 2006.)

**************************************************

Burmese Army Attacks Drive Karen Villagers Into Jungle (by Khin May Zaw)

2006-12-05

Aug. 28, 2006: Karen refugees wait for transport during relocation from a refugee camp in Suang Phung, Ratchaburi province, Thailand. Photo: AFP/Pornchai Kittiwongsakul 

BANGKOK—Burmese army attacks in the eastern Karen ethnic region have displaced thousands, driving some to camps near the Thai border and leaving others hiding in the jungle without adequate food, aid workers and Karen people have told RFA’s Burmese service.

Speaking by satellite phone with RFA’s Burmese service, a Karen villager now in hiding said, “They destroy our farms, eat our rice, shoot us, and kill us.”
Pho Chitho, driven from his farm by army attacks, said he is now living in the jungle with his five children and about 5,000 others from his village and neighboring villages in the Mone township of Nyaunglebin District. 

ကမ္ဘာ့အချမ်းသာဆုံးနှင့် အဆင်းရဲဆုံးနိုင်ငံက လူဆင်းရဲများ

     ခင်မေဇော် (7Day ဂျာနယ်တွင် ဖော်ပြခဲ့သော ဆောင်းပါး)

 တချိန်က မြန်မာနိုင်ငံကို စံနမူနာယူခဲ့ရသော မြို့နိုင်ငံ စင်ကာပူသည် ကမ္ဘာမှာ အချမ်းသာဆုံးမြို့
 ဖြစ်လာသည်။ ကမ္ဘာအရပ်ရပ်က ဘီလီယံနာတွေ သန်းထောင်ကြွယ်သူဌေးများပင်စင်ကာပူကို
 ပြောင်းနေကြသည်။ တရုတ်မင်းသား ဂွန်လီနှင့် ဂျက်လီတို့လည်း စင်ကာပူကို ပြောင်းနေချိန်တွင် အိန္ဒိယနိုင်ငံသား တယ်လီကွန်သူဌေး ဘူပင်ဒရာ ကူးမားမိုဒီကလည်း စင်ကာပူတွင်နေပါသည်။ ၎င်းတို့ထဲတွင် နယူးဇီလန် ဘီလီယံနာ ရစ်ချတ် ချန်ဒလာနှင့် အမေရိကန်စီးပွားရှင်သူဌေး ဂျင်ရော်ဂျာ တို့လည်း အပါအ၀င် ဖြစ်သည်။

ကမ္ဘာတ၀ှမ်းမှ သန်းကြွယ်သူဌေးများ အဘယ်ကြောင့် စင်ကာပူမှာနေထိုင်လိုပါသနည်း။ အခွန်နိမ့်ပြီး စိတ်ချရသော၊ လာဘ်စားမှု ကင်းသောအစိုးရနှင့် အကာအကွယ်အပြည့်ပေးထားသော ဘဏ်ဥပဒေ တို့က ကမ္ဘာ့အချမ်းသာဆုံးသူများကို ဖိတ်ခေါ်ဆွဲဆောင်နိုင်ခြင်းပင်ဖြစ်သည်။ 

ခရီးသွားဧည့်လမ်းညွှန်တယောက်ရဲ့ ဆုတောင်း

 အခုတလော ကမ္ဘာ့ခရီးသွားလုပ်ငန်းနဲ့ ပတ်သက်တဲ့ သတင်းတွေ တွေ့ရတော့ ဧည့်လမ်းညွှန်ဘ၀ကို ပြန်သတိရမိလိုက်ပါတယ်။
ဟိုတလောက ဟဲဟိုးမှာ ပျက်ကျတဲ့လေယာဉ်မှာ ဆုံးပါးသွားရှာတဲ့ ဧည့်လမ်းညွှန် သတင်း၊ တခါ မြန်မာပြည်မှာ ဟိုတယ်တွေ အမြန် တိုးချဲ့ဆောက်လုပ်နေတဲ့ သတင်း၊ ထိုင်း၊ လာအိုတို့နဲ့ သဘာဝ
လေ့လာရေးနဲ့ တွဲထားတဲ့ ခရီးစဉ်မျိုး ပြင်ဆင်နေတယ်ဆိုတဲ့ သတင်းတွေ။ မကြာခင် ကမ္ဘာလှည့် ခရီးသွားတွေ အများကြီးလာတော့မယ်ဆိုလို့ အရင်က မြန်မာ့ခရီးသွားလုပ်ငန်း အခြေအနေကို သတိရမိတယ်။

ဒီကနေ့ ဧည့်လမ်းညွှန်တွေရဲ့ အခြေအနေကိုတော့ အသေအချာ မသိပါဘူး။ ပွင့်လင်းလာနေတဲ့ အချိန်ဆိုတော့ ပြောင်းတာတွေ အများကြီး ရှိနေမှာပါ။ လွန်ခဲ့တဲ့ အနှစ် ၂၀ အစိုးရရဲ့ မြန်မာ့ခရီးသွား လုပ်ငန်းမှာ ကျမ ဧည့်လမ်းညွှန် လုပ်ခဲ့တုန်းက အဖြစ်လေးတခု သတိရလို့ပါ။